Tannhvíttun

Dreymir þig um hvítt og fagurt bros?

Einföld tannhvíttun getur breytt ótrúlega miklu.

Orsakir þess að tennur gulna geta verið m.a. kaffi, te, reykingar, munntóbak og eðlileg öldrun tanna. Gular og mislitaðar tennur getum við hvíttað á einfaldan hátt með efnum sem skaða ekki tennur séu þau notuð rétt.

Til eru margar aðferðir. Td að hvítta í eitt skipti í tannlæknastólnum, mismunandi lampar eða heimahvíttun.

Flestir tannlæknar nota þessa aðferð. Þá er einnig hægt að stýra hversu mikil hvíttunin verður og sumar tennur gætu þurft meiri hvíttun en aðrar. Efnið fer inn í tennurnar og vinnur á litnum. Svo hættir það að virka. Þess vegna þarf að bæta á með virku efni á hverjum degi til að fá varanlega hvíttun. Þetta gerist smátt og smátt.

Með þessari aðferð áttu skinnurnar ennþá ef þú vilt fríska upp á litinn einhverjum árum seinna og þarft þá bara að fá rétt efni hjá okkur.

Hvernig fer tannhvíttun fram?

Við hittumst tvisvar. Fyrst skoðum við lit tannanna og athugum hvort það eru fyllingar eða postulínskrónur á framtannasvæði því þær hvíttast ekki. Það er mikilvægt að fara í skoðun og tannhreinsun fyrst til að tryggja að allt sé heilbrigt og heilt áður en tannhvíttun fer fram. Skemmdir þarf að gera við áður en hvíttað er.

Ef allt lítur vel út skönnum við tennurnar með þrívíddarskanna og sendum til tannsmiðs sem býr til glærar plastskinnur sem passa bara á þínar tennur.

Þegar þú kemur aftur mátum við skinnurnar og kennum þér hvernig nota á skinnurnar og tannhvíttuefnið, hvað ber að varast osfrv. Við veljum rétt efni sem passar fyrir þig og þú hvíttar svo heima. Það fer eftir efni en yfirleitt tekur þetta 30 min til 2 klst á dag í 10-14 daga eftir því hvaða efni er valið

Eftir þann tíma kemur þú til okkar aftur og við metum árangur. Ef óskaárangurinn hefur ekki náðst eftir þennan tíma færðu meira efni hjá okkur.

Við notum eingöngu Opalescence tannhvíttunarefni frá Ultradent sem er einn fremsti framleiðandi tannhvittunarefna og vilja þeir meina að þeir hafi fundið aðferðina upp fyrir 30 árum síðan.

Best er að bíða með tannhvíttun ef þú ert ófrísk eða með barn á brjósti.

Með áralangri reynslu af mismunandi efnum og aðferðum höfum við séð að bestur árangur næst með heimahvíttun í skinnum. Þetta er einnig öruggasta og endingarbesta aðferðin.